MTs Muhammadiyah Gedongtengen Yogyakarta

Raden Adjeng Kartini

http://id.wikipedia.org/wiki/Kartini

Raden Adjeng Kartini minangka satunggaling pahlawan wanita Republik Indonesia. Nama Kartini menika dipun-pendhet saking tembung karti ingkang tegesipun "sae", "trepti" utawi "mukti". Tembung menika asalipun saking basa Sansekerta "kṛta" ingkang tegesipun "suci" utawi "dinamel". RA Kartini menika asalipun saking Jawi, lair wonten ing Jepara, 21 April 1879 utawi 28 Rabiul Akhir taun Jawi 1806 lan seda nalika tanggal 17 September 1904 wonten ing yuswa 25 taun. Piyambakipun minangka putri saking  Bupati Jepara, Raden Mas Sosroningrat saking garwa ampil anami Ngasirah.

 Pahlawan emansipasi wanita menika lare ingkang nomer ngangsal saking sewelas bersaudara kandung lan tiri. Nalika awit jaman penjajahan wonten adat ingkang turun temurun ingkang ngrugekake tiyang estri. Tiyang estri mboten boten kepareng gadhah hak ingkang sami kados dene priya mliginipun bab pendidikan. Menawi sampun ngancik yuswa remaja lan dipunanggep pantes krama, tiyang estri menika lajeng dipunpingit mboten pareng medal saking griya supados saged dipunwulang katrampilan-katrampilan bab palakrama saengga saged dados garwa ingkang sae.

Senadyan satunggaling tiyang estri, Kartini dipunparengaken sekolah kaliyan tiyang sepuhipun. Piyambakipun mlebet satunggaling sekolah Walandi minangka satunggal-tunggalipun sekolah ing Jepara. Rikala yuswanipun 12 taun, piyambakipun kedah mandheg sekolah amargi dipunpingit. Sanajan dipunpingit Kartini mboten putus asa, piyambakipun ngginakaken kesagedanaipun Basa Walanda. Lajeng wonten griya piyambakipun miwiti sinau piyambak saha kathah nulis serat kaliyan kancanipun ingkang saking Walandi inggih punika Rosa Abendanon. Saking buku-buku saha kalawarti Eropa, Kartini tertarik kaliyan kemajenganipun pola pikir wanita Eropa. Lajeng tuwuh pepinginan kangge majengaken wanita pribumi, amargi ningali kasunyatan wanita pribumi menika wonten ing status sosial ingkang asor. Sasampunipun Kartini seda, Surat-surat menika lajeng dipundamel buku kaliyan abendanon ingkang Irah-irhanipun Door Duisternis tot Licht  “Habis Gelap Terbitlah Terang” (versi Indonesia). Nalika tanggal 8 November 1903 R.A.Kartini dipunkramakake kaliyan Raden Adipati Jayadiningrat.  RA Kartini dipunanugerahi putra setunggal lan ugi ingkang pungkasan lair tanggal 13 September 1904  ingkang naminipun Soesalit Djojoadhiningrat. Sinaosa sampun krama, perjuanganipun Kartini mboten mandheg malah sansaya adreng anggenipun ngangkat drajadipun kaum wanita. Gegayuhanipun dipunsengkuyung dening garwane.

        Amargi kagigihanipun Kartini, saged dipunadegaken sekolah kangge tiyang estri ingkang kepengin ngudi ilmu. Satunggaling Sekolah Wanita dening Yayasan Kartini ing Semarang, wonten ing taun 1912, lan salajengipun wonten ing Surabaya, Yogyakarta, Malang, Madiun, Cirebon lan kutha sanesipun. Nami sekolah kasebut inggih punika "Sekolah Kartini". Yayasan Kartini punika dipunadegaken dening kulawarga Van Deventer, satunggiling tokoh Politik Etis. Sanajan sampun seda ateges mboten dados purnaning perjuangan emansipasi wanita. Perjuangan emansipasi wanita terus dipuntindakake saengga dinten samangke wanita gadhah hak padha kaya hake priya. Wanita bisa sekolah, saha ngudi ilmu ing pawiyatan luhur saha makarya jumbuh kaliyan kekarepanipun. Kangge ngurmati jasa-jasanipun Kartini, Presiden Soekarno ngedalaken Kaputusan Presiden Republik Indonesia No.108 Taun 1964, tanggal 2 Mei 1964, ingkang netepaken Kartini minangka Pahlawan Kamardikan Nasional saha netepaken dinten lairipun Kartini, tanggal 21 April supados dipunpengeti saben taun minangka pahargyan Dinten Kartini.(-Leni Tri Yulianingsih-)

 Geguritan minangka awujud pakurmatan Raden Adjeng Kartini

Suryaning  Wanodya

Anggitanipun : Leni Tri Yulianingsih

Ora bisa lali ana ing kabeh wanita Indonesia

Dek mbiyen dikekang ana ing jaman saiki bebas nggayuh impenan

Dek mbiyen buta aksara saiki padha bisa maca

Dek mbiyen kabuang saiki bisa mardika

                        Kabeh duka kang dadi rantening ati saiki wis sirna

                        Kabeh kunjara kang dadi rantening awak saiki wis ambyar

                        Wanita saiki wis setara, duwe hak kang padha

                        Kawujud amarga jasane suryaning wanodya, Kartini

Sakanajan sampun gugur tinampa bumi

Ananging jasa lan pangurbananmu taksih dikurmati

Semangatmu taksih tumancep ana ing manahing wanita Indonesia

Kanthi nuwuhake kartini-kartini modern

            Raden Adjeng kartini

            Pangilone wanita kang sejati

            Ayu ing rupa lan budi pakarti

            Kasiling perjuangane ora bakal mati